25.03.2016 13:20

Draupnir EA (ex Kristín VE) kemur til Siglufjarðar - Part I - Myndasyrpa

Núna um páskana mun ég birta stóra myndasyrpu sem ég skipti niður yfir páskadagana .  Eru þetta yfir 20 myndir sem sýna það þegar að Kristín VE kom til Siglufjarðar með Reykjafoss. Myndirnar eru teknar árið 1995 .

Eiður Marinósson eigandi Kristínar VE 40 gaf Síldarminjasafninu á Siglufirði bátinn og í upphafi stóð til að sigla honum frá Vestmannaeyjum til Siglufjarðar. Í viðtali við tímaritið Dag þann 14. júlí sagði faðir minn , Sveinn Björnsson :  " Fyrst ætluðum við að sigla bátnum norður en hann var
ekki í það góðu ásigkomulagi að við þyrðum að sigla honum alla leið. Við leituðum því ásjár Eimskips og þeir fluttu hann ókeypis fyrir okkur með Reykjafossi.
"

Í grein Morgunblaðsins frá 14.júlí 1995 segir "Bátur þessi er fyrir margra sakir merkilegur, en kannski ekki síst útaf byggingarlagi sínu, því hann er byggður eftir gömlu skútulagi með lóðstefni og skuturinn kemur innundir sig að aftan. Þessi bátur er líklega einn af örfáum bátum sem til eru í upprunalegri mynd og eru m.a. stýrishúsið og möstrin upprunaleg.

Báturinn var smíðaður 1954 á Hauganesi við Eyjafjörð og var lengi gerður þaðan út. Síðan var hann seldur til Þórshafnar og þaðan til Vestmannaeyja. Meðan báturinn var gerður út frá Norðurlandi hét hann Draupnir og mun hann nú aftur hljóta það nafn. "

Draupnir var smíðaður af Sigfúsi Þorsteinssyni og er í dag til sýnis í bátahúsi Síldarminjasafns Íslands.

Hér kemur fyrsti partur úr myndasyrpunni : 

Mynd : Úr safni Sveins Björnssonar

 

Mynd : Úr safni Sveins Björnssonar

 

Mynd : Úr safni Sveins Björnssonar

 

Mynd : Úr safni Sveins Björnssonar

 

Mynd : Úr safni Sveins Björnssonar

 

Mynd : Úr safni Sveins Björnssonar

 

24.03.2016 19:40

Málmey og Klakkur

Þiðrik Unason sendi mér þessa mynd í fyrradag af skipum Fisk Seafood við bryggju á Sauðárkrók . 

Eins og sést vel á myndinni er smá stærðarmunur á Málmey SK og Klakk SK

Mynd : Þiðrik Unason

24.03.2016 09:45

Rétt svar : Sigluvík SI 2

Ég spurði um í færslunni hér fyrir neðan hvort lesendur síðunnar þekktu skipið á myndinni og voru nokkrir sem spreyttu sig , en Guðmundur Óli Sigurðsson var fyrstur að koma með rétt svar , Sigluvík SI 2 . 

Góðvinur myndasíðunnar , Óskar Franz Óskarsson , sendi mér þessa mynd af Sigluvíkinni þar sem hún er í slipp . Myndin er tekin í fyrra og ber skipið nafnið Kombat L-1169 frá Luderitz í Namibíu.

Sigluvík SI var smíðuð árið 1974 á Spáni og var í eigu Þormóðs Ramma á Siglulfirði.

Mynd : Úr safni Óskars Franz Óskarssonar

 

23.03.2016 17:20

Gáta : Hvert er skipið ?

Ég fékk þessa mynd senda í gærkveldi frá góðvini síðunnar og ætla að spyrja ykkur lesendur góðir , þekkið þið skipið ? 

 

23.03.2016 08:00

Sirrý ÍS 36 - 4 myndir

Magnús Jónsson sendi mér þessar 4 myndir í fyrradag af Sirrý ÍS 36 við bryggju í Reykjavíkurhöfn en í meðfylgjandi pósti sagði Magnús að ástæðan fyrir inniverunni væri bilun , líklegast rafmagnsbilun.

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Ég þakka Magnúsi kærlega fyrir sendinguna og minni á netfangið mitt , 580skoger@gmail.com

22.03.2016 18:00

Sigurbjörg ÓF 1 landar á Siglufirði

Landað var um 190 tonnum úr Sigurbjörg ÓF 1 á Siglufirði í dag. Uppistaða aflans var karfi , eða um 120 tonn . 

 

Var þetta millilöndun en áætluð brottför er um kl.19:00 í kvöld.

21.03.2016 12:35

Múlaberg SI 22 að byrja á rækju á ný

Múlaberg SI 22 hefur nú lokið veiðum á botnvörpu og hafa síðustu dagar verið notaðir í að gera skipið klárt á rækjuveiðar að nýju. 

 

20.03.2016 18:50

Sigurborg SH 12 - Góð rækjuveiði

Mjög góð rækjuveiði hefur verið síðustu vikur og hefur Sigurborg SH landað um 110 tonnum af rækju í síðustu 4 túrum.

Hér er Sigurborg SH 19 á útleið frá Siglufirði þann 3. mars síðastliðinn.

 

k

19.03.2016 12:25

Lukka ÓF 57

Eins og ég sagði frá í gær , þá hefur verið mjög góð veiði á línubátunum sem gera út frá Siglufirði. Hér er Lukka ÓF að landa tæpum 6 tonnum á fimmtudaginn sl.

 

 

18.03.2016 12:55

Oddur á Nesi ÓF 176 - Góð veiði hjá línubátunum

Mjög góð veiði hefur verið hjá línubátunum sem gera út frá Siglufirði síðustu daga. Í gær kom Oddur á Nesi í land með um 9,3 tonn og eins og sjá má á myndinni ber báturinn aflann mjög vel . 

 

 

17.03.2016 10:00

Ályktun um ákvörðun ráðherra - Myndir frá fundinum í gærkveldi

Formenn Skalla og Drangeyjar boðuðu félagsmenn sína til fundar í gærkveldi á Kaffi Krók á Sauðárkrók . Á fundinum var ákvörðun sjávarútvegsráðherra um frestun á grásleppuvertíðinni til umræðu.  
Sigurði Inga Jóhannssyni sjávarútvegs- og landbúnaðarráðherra var boðið til fundar en hann boðaði forföll .

Örn Pálsson framkvæmdarstjóri LS og Halldór Ármannsson formaður LS upplýstu fundarmenn um stöðu mála en fundurinn var vel sóttur og sköpuðust góðar umræður um málefni grásleppusjómanna .

 

Í lok fundar ályktuðu fundarmenn eftirfarandi : 

Sameiginlegur fundur smábátaeigenda í Skalla og Drangey haldinn á Sauðárkróki 16. mars 2016 mótmælir harðlega gerræðislegri ákvörðun sjávarútvegsráðherra að seinka upphafstíma grásleppuvertíðar.

Í rökstuðningi með ákvörðuninni er þung ásökun um að grásleppusjómenn umgangist auðlindina ekki af ábyrgð.  Fundurinn vísar því til föðurhúsanna.

Harmað er það virðingarleysi sem atvinnugreininni er sýnd með tilkynningu með fimm daga fyrirvara um breyttan upphafstíma.

Fundurinn skorar á sjávarútvegsráðherra að virða rétt grásleppusjómanna og draga ákvörðun sína tafarlaust til baka.

Fleiri myndir frá fundinum má sjá hér fyrir neðan : 

 
 
 
 

 

16.03.2016 11:25

Helga María AK á leið í slipp - 4 myndir

Magnús Jónsson sendi mér þessar 4 myndir sem hann tók í gær þegar verið var að aðstoða Helgu Maríu AK að komast í slipp.

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Mynd : Magnús Jónsson
 

15.03.2016 19:30

Gulltoppur GK 24

Hér er mynd af Gulltopp GK við bryggju á Siglufirði , frá því á laugardaginn síðastliðinn þegar að brælan gekk yfir. 

 

14.03.2016 12:50

Hraði á logninu á Siglufirði um helgina

Ég rölti út á tröppur hjá mér á laugardaginn og tók þessar tvær myndir af logninu sem var á mikilli hraðferð .

Múlaberg SI liggur við Togararbryggjuna en eins og sjá má þá er stór krani á Hafnarbryggjunni en núna er endurbygging bryggjunar hafin. 

 
 

13.03.2016 14:15

Launaseðill háseta á Elliða SI - 60 ára

Arngrímur Jónsson birti á Facebook síðunni sinni á föstudaginn þessa mynd af launaseðli sem hann fékk fyrir störf sín um borð í síðutogaranum Elliða SI 1 fyrir 60 árum síðan . Á þessum tíma var Arngrímur , eða Addi Jóns eins og hann er kallaður , háseti um borð.

Addi varð síðar skipstjóri á Hafliða SI síðustu mánuðina meðan að hann var gerður út og síðar skipstjóri á Stálvík SI .

Ég hringdi í pabba í morgun til þess að fá smá upplýsingar og  sagði honum þá frá þessu launaseðli.

Hann sagði mér frá því að hann hefði verið pokamaður um borð í Elliða í þessum í túr , í fyrsta sinn , þá 21 árs . Þeir hefðu byrjað veiðar á Selvogsbanka og fengið um 100 tonn á tveimur sólarhringum en síðan lent í því að missa flottrollið á stýrið og rifið það allt í hengla.

Skipstjórinn Gísli Jónasson hafði þá fengið fregnir af því að Akureryrar togararnir hefðu verið að fiska mjög vel í austurkantinum við Grímsey og var stefnan tekin þangað. Þar lentu þeir í mokveiði , reyndar var uppistaða aflans smáþorskur , í kringum 50 cm. Þeir voru á veiðum í viku á Grímseyjarsundi og fylltu lestina og voru með mikinn afla á dekki. 

Þó að búið væri að fylla skipið og vel það , þá vildi útgerðin ekki að Elliði kæmi í land fyrr en eftir 1.maí  en Gísli skipstjóri tók ákvörðun um skipið væri orðið yfirfullt og lagði af stað í land að morgni 1.maí. 

Elliði var kominn með rúm 400 tonn af afla og var mjög siginn að framan og þegar að Gísli tók stefnuna heim , setur hann stefnuna í vestur og þarf að taka 180 gráðu beygju og við það lagðist Elliði nánast á hliðina , Gísli slóg þá af í hvelli og rétti hann af og síðan var beygjan tekin á mjög hægri ferð en veður var mjög gott . Á meðan að veiðum stóð fyrir norðan var mjög gott veður , logn og blíða . Þess vegna var hægt að hlaða skipið svona , en áætlað er að um 120 tonn hafi verið á dekki.

Elliði kom í land um kl. 14:00 þann 1. maí í óþökk útgerðarinnar sem ekki hafði viljað fá skipið inn fyrr en að morgni 2. maí.

Þessi túr var stærsti túrinn sem Elliði fékk á meðan hann var ofansjávar en Elliði sökk í febrúar árið 1962.

 
 

Mynd : Arngrímur Jónsson

 

Flettingar í dag: 46
Gestir í dag: 7
Flettingar í gær: 676
Gestir í gær: 82
Samtals flettingar: 2229589
Samtals gestir: 515668
Tölur uppfærðar: 25.9.2017 00:21:14

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar