25.11.2015 12:55

Hörður Björnsson ÞH 260 á Siglufirði

Línuskipið Hörður Björnsson ÞH 260 kom inn til Siglufjarðar í gærdag vegna smávægilegrar bilunar . Hélt svo skipið á ný til veiða í gærkveldi.

 
 

 

Í skipaskrá Fiskifrétta segir meðal annars um Hörð Björnsson : 

Smíði

Smíðaár 1964
Smíðastaður Stord noregur
Smíðaland Noregur
Smíðastöð A.s. stord verft
Smíðanúmer 566
Efniviður Stál

 

24.11.2015 12:45

Svar við gátu : Valdimar GK 195 !

Hún var ekki erfið gátan sem ég skellti hér inn í gærkveldi , en rétt svar við henni var auðvitað Valdimar GK 195 . 

Það var hann Keli sem var fyrstur til þess að koma með rétt svar .

 

 

23.11.2015 22:50

Gáta : Hver á stefnið ?

Hvernig væri að skella í eina léttu gátu fyrir svefninn og spyrja , hver á stefnið ? 

 

Rétt svar kemur inn á morgun ..

22.11.2015 10:15

Pálína Ágústdóttir GK 1

Þiðrik Unason var á röltinu um Sauðárkrókshöfn á föstudaginn þegar að Pálína Ágústdóttir GK var hífð á land og sett á bíl sem flutti bátinn suður.

Þiðrik smellti af nokkrum myndum sem sjá má hér fyrir neðan :

Mynd : Þiðrik Unason

 

Mynd : Þiðrik Unason

 

Mynd : Þiðrik Unason

 

Mynd : Þiðrik Unason

 

20.11.2015 12:25

Einn stærsti hlýri sem mælst hefur !? 136 cm & 30 kg +

Á miðvikudaginn við endurvigtun á afla úr línuskipinu Tómasi Þorvaldssyni GK mátti finna hlýra sem líklegast er einn af þeim stærri sem mældur hefur verið á Íslandi ? 

Tryggvi Sveinsson frá Hafrannsóknastofnun kom í heimsókn á Fiskmarkað Siglufjarðar til þess að mæla og kvarna hlýra og við mælingu hjá honum reyndist fiskurinn vera 136 sentimetrar á lengd og vigtaði hann 30 kg slægður . Eflaust hefur fiskurinn þá vigtað um 32-35 kg óslægður.

Til gamans má geta að í fyrra mældist hlýri sem Lágey ÞH 265 veiddi 131 sentimetrar og 32 kg en sú vigt er líklegast miðuð við óslægðan fisk.

Ég smellti af nokkrum myndum þegar að Tryggvi mældi og kvarnaði fiskinn.

Hlýrinn lengdar mældur

 

 

 

Of þungur fyrir vigtina og var hann því vigtaður á pallavog hjá Fiskmarkað Siglufjarðar

 

Byrjað að saga til þess að kvarna

 

 

 

Ekki er nú kvörnin stór en hún er þetta hvíta sem sjá má flísatönginni

 

Tryggvi Sveinsson með ferlíkið í fanginu

 

Ég hafði samband við Hafrannsóknastofnun og talaði við Ólaf S. Ástþórsson og sendi hann mér eftirfarandi upplýsingar :

"Sæll Gauti.
Stærsti hlýri sem skráður er í gagnagrunn Hafrannsóknastofnunar er 161 cm. Hann veiddist í stofnmælingu botnfiska (togararall) árið 1993 í reit 668, smáreit 2, þ.e norðan við Grímsey. Síðan er einn 128 cm sem var kvarnaður og vóg hann 21 kg. Hann fékkst í landprufu sem tekin var á Akureyri í mars árið 2012. Hann var veiddur á svipuðum stað og sá fyrri af togaranum Björgúlfi frá Dalvík. Í fyrra eða hitti fyrra fréttum við svo af hlýra sem var svipaður á stærð og sá sem þú nefndir (ca 140 cm).
Kv. Ólafur
"

19.11.2015 22:40

Tveir Rússar í Hafnarfjarðarhöfn

Hér er mynd sem Magnús Jónsson tók á dögunum af tveimur Rússneskum togurum sem liggja í Hafnarfjarðarhöfn . 

Ekki treysti ég mér til þess að nafngreina þá en ef einhver veit nöfnin þá má sá sami setja nöfnin í athugasemdarkerfið hér fyrir neðan.

Mynd : Magnús Jónsson

 

18.11.2015 20:55

Nanoq GR 1-1 í Reykjavíkurhöfn

Hér er mynd frá því í júní af Grænlenska skipinu Nanoq GR 1-1 í Reykjavíkurhöfn . 

 

17.11.2015 12:45

Ný myndasíða - Thsof.123.is

Þeir eru eflaust ekki margir sem vita af myndasíðunni sem skipa og báta grúskarinn Þórhallur Sófusson Gjöveraa heldur úti en slóðin á hana er http://thsof.123.is/ . Á henni er að finna margvíslegan fróðleik um gömlu togarana og ýmislegt fleira tengt bátum og skipum . 

Ég hvet alla til að líta við hjá Þórhalli en tengil á síðuna hans má í framtíðinni finna hér til hægri undir flokknum "Skip og bátar"

Mynd fengin af vefnum http://thsof.123.is/

16.11.2015 16:30

Valdimar GK 195 landar á Siglufirði

Valdimar GK 195 er kominn norður fyrir land á veiðar eftir að hafa verið í slipp frá því í vor . Valdimar GK hefur landað þrívegis á Siglfirði og samkvæmt vef Fiskistofu er aflinn tæp 150 tonn í þessum þremur túrum.

 

15.11.2015 20:35

Helgi SH & Farsæll SH

Hér eru Helgi SH 135 og Farsæll SH 30 við bryggju á Grundarfirði í sumar . 

 

Helgi SH var smíðaður árið 1989 á Ísafirði en Farsæll SH var smíðaður árið 1983 á Seyðisfirði.

14.11.2015 19:50

Flugan SI 16

Hér er mynd frá því í sumar þegar að Flugan SI 16 var að sigla inn eftir róður en Flugan SI var einn af þeim fjölmörgu bátum sem gerðu út á strandveiðar frá Siglufirði í sumar.

 

13.11.2015 22:45

Siginn fiskur

 
Beztur er siginn þorskur, en nota má smáa ýsu. Venjulegast er það þyrsklingurinn, sem hengdur er upp. Fiskurinn er afhausaður, slægður, tveir fiskar eru bundnir saman með seglgarnsspyrðu. Spyrðurnar hengdar á slá í þurkhjalli, eða í skugga. Bezt er að hengja fiskinn þar sem vindur er en sólarlítið, þá morknar fiskurinn síður. Áður en fiskurinn en hengdur upp eru þunnildin tekin af honum, soðin og notuð í plokkfisk. Þegar sjóða skal fiskinn eru uggarnir skornir af, hann roðflettur og soðinn í saltvatni. 
Borðaður með hamsatólg og kartöflum.
(Úr bókinni "160 Fiskréttir" eftir Helgu Sigurðardóttur) 

12.11.2015 22:30

Ísborg ÍS 250 að landa

Magnús Jónsson tók þessa mynd af Ísborg ÍS 250 í gær þegar verið var að landa rækju úr skipinu í Reykjavík í gærmorgun.

Mynd : Magnús Jónsson

 

11.11.2015 22:10

Cape Race í Sundahöfn

Magnús Jónsson sendi mér á dögunum mynd af skipi sem ber nafnið Cape Race , en skipið hefur legið þar í um mánuð.

Skipið var smíðað árið 1963 í Kanada en með því að smella HÉR má lesa ýmsan fróðleik um skipið og sögu þess.

Mynd : Magnús Jónsson

 

10.11.2015 18:00

Gullhólmi SH 201

Gullhólmi SH 201 hefur gert það gott síðan að hann hóf veiðar ,  en báturinn er búinn að fiska rúm 166 tonn í 15 róðrum , sem gera um 11,1, tonn að jafnaði í róðri. Þar af er um 126 tonn af þorski . (Miðað við stöðuna 8.október)

 
 
Flettingar í dag: 79
Gestir í dag: 8
Flettingar í gær: 516
Gestir í gær: 66
Samtals flettingar: 2265436
Samtals gestir: 521755
Tölur uppfærðar: 18.11.2017 02:14:11

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar