08.01.2017 10:00

Petra ÓF 88

Petra ÓF 88 liggur hér við bryggju á Ólafsfirði í desember síðastliðnum . Á árinu 2016 fiskaði Petra ÓF 357,8 tonn í 99 túrum .

 

 

05.01.2017 17:14

Litlanes ÞH 3

Ég var að grúska í símanum mínum í dag , þegar að ég rakst á þessar myndir sem ég tók í nóvember af Litlanesinu , þar sem báturinn var í breytingum hjá strákunum í Siglufjarðar Seig. Var báturinn meðalannars lengdur , sett á hann perustefni og byggt yfir hann en Litlanes ÞH bar áður nafnið Muggur KE .

En þann 29.nóvember birti ég myndband og myndir frá því þegar að báturinn var sjósettur og má sjá myndirnar með því að SMELLA HÉR

 
 
 
 
 
 

 

04.01.2017 21:30

Myndir frá Siglufjarðarhöfn

Hér eru nokkrar myndir sem ég tók fyrir áramót þegar að ein brælan gekk yfir landið og Siglfirsku smábátarnir lá allir við bryggju.

 
 
 
 

03.01.2017 16:30

Mánaberg ÓF 42

Áætlanir voru um að Mánaberg ÓF yrði gert út þar til hið nýja skip Ramma yrði komið í gagnið , en Mánaberg ÓF 1 liggur við bryggju á Ólafsfirði á meðan verkfall sjómanna er. 

Mánaberg ÓF fiskaði 8687 tonn á síðasta ári samkvæmt Aflafréttir.is en mesti afli í einni sjóferð var 852 tonn.

 

02.01.2017 20:00

Sigurbjörg ÓF 1 farin til Póllands

Sigurbjörg ÓF 1 hélt í dag um kl. 14:00 til Póllands í vélarupptekt . Áætlað er að verkið taki um 4 - 6 vikur og er búist við því að skipið verði svo í kjölfarið selt að viðgerð lokinni .

Sigurbjörg ÓF var smíðuð á Akureyri árið 1979 hjá Slippstöðinni en Sigurbjörgin lauk farsælum ferli sínum fyrir jól , en Rammi hf er með nýtt skip í smíðum í Tyrklandi sem kemur til með að leysa Sigurbjörgina og Mánabergið af.

 
 

Sigurbjörg ÓF fiskaði 6.542 tonn á síðasta ári samkvæmt Aflafréttir.is en mesti afli í einni sjóferð var 621 tonn 

31.12.2016 22:30

Áramótapistill 2016

 

Í fyrra byrjaði ég áramóta pistilinn á þessum orðurm " Þá er enn eitt árið að klárast og hafa viðtökurnar með síðuna mína farið fram úr mínum björtustu vonum " og í ár segi ég það sama. Gestafjöldinn á þessu ári fór yfir 160.000 gesti og nú þegar að þetta er skrifað er heildargestafjöldinn frá upphafi kominn yfir 462.000 . Enn á ég langt í land með að ná Gísla Reynis en það kemur á endanum :)
Ég hef reynt að setja inn eina færslu að jafnaði á dag , en stundum koma tímar þar sem ég er alveg að gefast upp á því og hugsa oft hvers vegna í andskotanum ég er að þessu . Gestafjöldinn rokkar um og yfir 250 gesti á dag og stundum komu dagar þar sem gestafjöldinn fór yfir 1500 en það er undartekning ef einhver gefur sér tíma til þess að skrifa athugasemdir við færslunar , hvað þá að smella á "Líkar þetta" hnappinn.

Að undanskildum vini mínum honum Orra sem er mjög duglegur við að skilja eftir sig fótspor þegar að hann lítur við . 

Það fer stundum ómældur tími í það að mynda eða skanna myndir, setja inn myndirnar , finna upplýsingar , skrifa textann og birta þetta hér á vefnum en ef einhver hálfviti tekur frá mér mynd og birtir hana á Facebook þá geta allir snillingar landsins tæmt viskubrunn sinn um helvítis myndina .

Stundum get ég orðið brjálaður þegar að ég er búinn að leggja mikla vinnu í færsluna og sé að teljarinn er í 500 + og enginn segir orð eða smellir á læk.

Þá hef ég oft hugsað , til hvers í andskotanum er ég að eyða tíma og peningum í halda þessu drasli opnu.

Ég óska öllum lesendum mínu til sjávar og sveita gleðilegs nýs árs og farsældar á nýju ári.

Guðmundur Gauti Sveinsson

30.12.2016 11:30

Múlaberg SI 22 og Guðbjörg GK 666

Eins og ég sagði frá í síðustu færslu , þá er rólegt yfir öllu þessa dagana og lítið action til að mynda . Smábátarnir hafa ekkert komist á sjó vegna brælu en vonandi fer veðrið að verða þeim hagstætt á nýju ári . 

Tók þessa mynd í gær af Múlaberginu og Guðbjörgu GK við bryggju á Siglufirði í gær.

 

k

28.12.2016 22:40

Daníel SI 152

Það er rólegt yfir öllu þessa dagana á meðan verkfall sjómanna er og leiðinda brælur ganga yfir landið .

Þrír smábátar komust á sjó í í fyrrakvöld og lönduðu afla sínum í gærmorgun á Fiskmarkað Siglufjarðar og fengu hörku góð verð , enda lítið framboð í gangi á mörkuðum.

Hef verið latur upp á síðkastið að mynda en smellti af einni mynd í morgunaf Daníel SI 152 í gamla slippnum á Siglufirði.

 

27.12.2016 12:40

Gullveig SI 11 - Myndasyrpa úr handfæraróðri frá 1973 - Part II

Í gær sáum við myndir úr safni föður míns sem teknar voru um borð í Gullveigu SI 11 og í dag sjáum við seinni hluta þessara mynda.
Gullveig SI var smíðuð árið 1962 í Bátalóni í Hafnarfirði. Faðir minn , Sveinn Björnsson og bróðir hans Hafþór Rósmundsson , áttu Gullveigu frá 1970 og þar til 1973.
Myndirnar voru teknar árið 1973 í handfæraróðri hjá þeim félögum Sveini Björnssyni , Hafþóri Rósmundssyni og Kára Jónssyni.

 
 
 
 
 
 
 
 

26.12.2016 15:20

Gullveig SI 11 - Myndasyrpa úr handfæraróðri frá 1973 - Part I

Í dag sjáum við myndir úr safni föður míns . Myndirnar eru teknar um borð í Gullveigu SI 11.

Gullveig SI var smíðuð árið 1962 í Bátalóni í Hafnarfirði. Faðir minn , Sveinn Björnsson og bróðir hans Hafþór Rósmundsson , áttu Gullveigu frá 1970 og þar til 1973.

Myndirnar voru teknar árið 1973 í handfæraróðri hjá þeim félögum Sveini Björnssyni , Hafþóri Rósmundssyni og Kára Jónssyni.

Í dag sjáum við fyrri hluta þessara mynda en seinni hlutann sjáum við á morgun.

 
 
 
 
 
 
 
 
 

24.12.2016 21:30

Með ósk um gleðileg jól !

Ég óska öllum lesendum síðunnar , skoger.123.is , gleðilegra jóla og farsældar á nýju ári . Megið þið hafa það sem best um hátíðina.

 

21.12.2016 21:40

Sigurbjörg ÓF 1 - Síðasta löndun

Landað var upp úr Sigurbjörg ÓF 1 á Siglufirði í gær , um 90 tonnum , eða 4300 kössum . Var þetta síðasta löndun hjá Sibbunni , en skipinu hefur nú verið lagt .

Um hádegisbilið í gær fór Sibban frá bryggju á Siglufirði og hélt til Ólafsfjarðar þar sem skipið mun liggja , þar til það heldur til Póllands í vélarklössun . Ég hef ekkert frétt hver framtíð skipsins verður en eflaust er vélarklössunin liður í því að auka sölu möguleikana á skipinu .

Hér fyrir neðan eru nokkrar myndir sem ég tók þegar að Sibban fór frá Siglufirði í gær.

 
 
 
 
 

19.12.2016 22:20

Oddur á Nesi SI 76 sjósettur hjá Seiglu

Nýsmíðin Oddur á Nesi SI 76 var sjósettur hjá Seiglu / Seigur á Akureyri í gær . Oddur á Nesi SI er í eigu BG Nes ehf á Siglufirði og verður gerður út á balalínu frá Siglufirði. Oddur á Nesi er minni týpa en Sandfell SU og Gullhólmi SH en þeir eru XW 1500 en Oddur er XW 1320.

Það stóð til að sjósetja bátinn á laugardaginn síðasta en það náðist ekki , en ég smellti af nokkrum myndum þar sem hann stóð á þurru.

 
 
 
 

Ég óska Frey og fjölskyldu til hamingju með nýja fleyið og verður gaman að fylgjast með bátnum þegar að hann fer af stað til veiða.

18.12.2016 11:35

Guðbjörg GK 666 á Siglufirði - Glæsilegt skip eftir lengingu

Guðbjörg GK 666 sem er í eigu Stakkavíkur kom norður í nóvember og hefur landað yfir 130 tonnum síðan 21. nóvember í 18 löndunum.

Guðbjörg gekk í gegnum miklar endurbætur hjá Skipasmíðastöð Njarðvíkur , þar sem báturinn var meðal annars lengdur . Guðbjörg GK bar áður nafnið Kristbjörg HF og var smíðuð árið 2001 í Dalian Shipyard Kína.

Hér fyrir neðan eru þrjár myndir sem ég tók fyrir skömmu þegar að Guðbjörgin var að landa ágætisafla.

 
 
 

16.12.2016 13:30

Frosti ÞH 229 landar á Siglufirði

Frosti ÞH 229 kom inn til Siglufjarðar í gærmorgun og landaði um 45 tonnum , áður en hann hélt af stað til Akureyrar þar sem hann liggur nú við bryggju.

 
 
 
Flettingar í dag: 388
Gestir í dag: 63
Flettingar í gær: 669
Gestir í gær: 118
Samtals flettingar: 2190179
Samtals gestir: 508868
Tölur uppfærðar: 22.7.2017 13:01:35

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar