Færslur: 2014 Október

31.10.2014 17:20

Sæbjörg EA 184

Hér er ein mynd af Sæbjörg EA 184 í Dalvíkurhöfn sem tekin var fyrir um hálfum mánuði . 

Sæbjörg er gerð út af samnefndu útgerðarfélagi í Grímsey og var smíðuð árið 1990 í Njarðvík.

 

k

30.10.2014 20:38

Hrafn GK 111

Hér er ein gömul af Hrafni GK 111 sem Sigurjón Veigar Þórðarson vélstjóri á Gnúp GK tók í maí síðastliðnum.

 

 

29.10.2014 10:55

Björgúlfur EA 312

Hér er Björgúlfur EA 312 í Dalvíkurhöfn fyrir skömmu . Á vefnum Aflafrettir.is má sjá lista yfir "Botnvörpu í október" en þar skipar Björgúlfur þriðja sætið með 434 tonn í þremur veiðiferðum , eða 149,7 tonn að jafnaði í hverjum túr.

 
 

Björgúlfur EA 312 var smíðaður árið 1977 á Akureyri hjá Slippstöðinni hf.

 

 

Vegna heimferðar ritstjórans frá Noregi í gær náðist ekki að koma inn færslu á síðuna , þrátt fyrir ítrekaðar tilraunir . 

27.10.2014 10:35

Eyborg ST 59 - "Ormurinn langi"

Eyborg ST 59 kom inn til Siglufjarðar í síðustu viku og beið af sér bræluna sem gekk yfir landið . 

Eyborg ST hefur landað einu sinni á þessu kvótaári , en það var þann 7 október á Hólmavík þegar skipið landaði 62.836 kg af rækju.

 

 

 

26.10.2014 10:50

Oddur á Nesi "strandaður"

Á þriðjudaginn síðastliðinn , um kaffileytið , á háflóði í Siglufjarðarhöfn , festist Oddur á Nesi á dekkjarfestingu í dokkinni . Brugðust hafnarverðir og fleiri skjótt við og var skorið á festinguna með slípirokk og losnaði þá Oddur af "strandstað"

Ekki varð tjón á bátnum og var hann svo færður að nýju flotbryggjunni í innri höfninni .

 

 

 

 

Jónas Sumarliðason hafnarvörður á Siglufirði myndar slípirokkinn

 

25.10.2014 12:40

Jóhann Gauti 6 ára

Sonur minn , Jóhann Gauti , er 6 ára í dag . Er því við hæfi að birta mynd af honum hér á myndasíðunni , með sitt uppáhaldsskip í bakgrunni , Múlaberg SI 22.

 

 

24.10.2014 10:35

Hópsnes GK skiptir um eigendur - Verður Særún EA 251

Á Facebook síðu Péturs Sigurðssonar , úgerðarmanns á Árskógssandi mátti lesa í gær "Hópsnes GK komið í nýja heimahöfn á Árskógssandi þar sem það kemur til með að leysa Særúnu EA 251 af hólmi og mun fá sama nafn og númer. Báturinn mun hefja róðra á næstu dögum."

Skoger.123.is óskar Pétri og fjölskyldu til hamingju með nýja bátinn.

Mynd : Pétur Sigurðsson

 

Mynd : Pétur Sigurðsson

 

Eins og flestir vita hefur Stakkavík látið smíða fyrir sig tvo nýja báta og er annar þeirra klár , Óli á Stað GK . Núna hefur Stakkavík því bæði selt gamla Óla á Stað og Hópsnes. Þann 26. júní síðastliðinn mátti lesa hér á vefnum , færslu um það þegar að Óli á Stað var seldur !

23.10.2014 23:10

Rifsnes SH á útleið frá Siglufirði í skítabrælu - Myndasyrpa - Part II

Rifsnes SH landaði á Siglufirði á mándagsmorguninn og beið svo af sér verstu bræluna en hélt á ný til veiða eftir hádegi á þriðjudaginn. Enn var haugasjór og braut þvert fyrir fjörðinn , en Rifsnes-menn létu það ekki á sig fá og því var ekkert annað í stöðinni en að elta þá út á strönd og taka myndir . 

Ég tók um 50 myndir en hér kemur seinni hluti þeirra mynda sem ég birti að sinni. 

 

 

 

 

 

 

 

 

 

 

 

 

 

 

 

Hér er Rifsnesið komið út úr verstu sköflunum og komið of langt frá til þess að mynda meira ...

 

 

22.10.2014 09:15

Rifsnes SH á útleið frá Siglufirði í skítabrælu - Myndasyrpa - Part I

Rifsnes SH landaði á Siglufirði á mándagsmorguninn og beið svo af sér verstu bræluna en hélt á ný til veiða eftir hádegi í gær. Enn var haugasjór og braut þvert fyrir fjörðinn , en Rifsnes-menn létu það ekki á sig fá og því var ekkert annað í stöðinni en að elta þá út á strönd og taka myndir .

Við skiptum þessu upp í tvær færslur , því að ég tók um 50 myndir og kemur seinni hlutinn inn síðar í dag.

 

 

 

 

 

 

 

 

 

 

 

Hér má sjá brimskaflinn brotna á Hellunni..

 

Nálgast Helluna .. 

 

Við sjáum svo seinni hluta myndasyrpunnar síðar í dag . 

21.10.2014 17:00

Brælumyndir frá Kristrúnu RE 177

Það hefur ekki farið framhjá neinum , að skítabræla gengur nú yfir landið. Það er fátt sem stoppar stóru línuskipin og eru strákarnir á Kristrúnu RE að veiðum djúpt út af Húnaflóa og er búið að vera vitlaust veður á þeim . Ég fékk 4 myndir frá Helga Aage Torfasyni , skipstjóra á Kristrúnu RE , og þótt þær séu óskýrar , þá er gaman fyrir okkur landkrabbana að fá sjá svona myndir . 

Mynd : Helgi Aage Torfason

 

Mynd : Helgi Aage Torfason

 

Mynd : Helgi Aage Torfason

 

Mynd : Helgi Aage Torfason

Ég þakka Helga fyrir myndirnar og minni á netfangið mitt , 580skoger@gmail.com , ef sjómenn vilja deila myndum með mér og öðrum .

20.10.2014 12:50

FishingHat : Trollinu kastað

Þær eru margar glæsilegar myndirnar sem hann hefur tekið hann Arnþór Þórsson , vélstjóri á Mánaberginu . Hér er ein síðan 16 október og ber heitið " Trollinu kastað "

Fleiri myndir frá Adda má sjá á vefsiðunni hans , FishingHat , en tengill á síðuna hans er hér til hægri á síðunni.

 

19.10.2014 14:20

Líkan af Elliða SI 1

Á Síldarminjasafninu á Siglufirði má sjá nokkur skips líkön , þar á meðal líkön af síðutogurunum Elliða og Hafliða sem gerðir voru út frá Siglufirði. 

Heiðurinn af byggingu þessara líkana eiga nokkrir vaskir menn , sem halda úti hinni stórskemmtilegu síðu www.si2.is en þar má sjá myndir og lesa sögur frá þeim tíma þegar að þeir voru saman á Hafliða SI 2 . 

Í dag fáum við sjá tvær myndir af Elliða SI 1 en auðvitað hvet ég alla til þess að heimsækja Síldarminjasafnið og sjá þau með eigin augum.

 

 

 

 

18.10.2014 14:35

SI 152 í slippnum á Siglufirði

Daníel SI 152 í slippnum á Siglufirði . Hefur verið þar lengi og verður vonandi lengi til viðbótar. 

Daníel SI er líklegast einn mest myndaði hlutur á Siglufirði , því undantekningalaust sér maður ferðamenn með myndavélar á lofti á degi hverjum , mynda bátinn í bak og fyrir.

 

17.10.2014 14:00

Hamar SH 224

Línuskipið Hamar SH 224 frá Rifi kom inn til löndunar á Siglufirði í gærmorgun og landaði góðum afla . Er þetta fyrsta löndun Hamars , allavega á línu , hér á Siglufirði. Skipið var smíðað árið 1964 á Englandi og hét upphaflega Jörundur II .

 

Á vef MBL.is má lesa grein um breytingar sem gerðar voru á Hamri SH árið 2000 , með því að smella HÉR

 

16.10.2014 12:40

Kristrún RE 177

Hér er ein af Kristrúnu RE 177 frá því því um daginn þegar að hún kom inn til Siglufjarðar til löndunar, en Kristrún hefur nú landað þrisvar sinnum á Siglufirði á þessu kvótaári , rúmum 200 tonnum.

 

Glæsilegt skip .

Flettingar í dag: 276
Gestir í dag: 38
Flettingar í gær: 481
Gestir í gær: 64
Samtals flettingar: 2268210
Samtals gestir: 522098
Tölur uppfærðar: 23.11.2017 09:21:26

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar