Færslur: 2015 Janúar

31.01.2015 11:25

Ein gömul : Stálvík SI á sjómanndegi á Siglufirði

Hér er ein úr myndasafninu pabba. Myndin er líklegast tekin í kringum sjómannadaginn á Siglufirði fyrir allmörgum árum.

Skipin sem sjá má á myndinni eru Stálvík SI 1 og líklegast Siglfirðingur SI 150.

Einnig er gaman að sjá Sunnubraggann en í dag er búið að rífa hann og á sama stað er verið að reisa hótel , Hótel Sigló

Mynd : Úr safni Sveins Björnssonar

 

30.01.2015 12:35

Lóðsbáturinn Haki RE - Hver er framtíðin ?

Á ferð minni um höfuðborgina í byrjun janúar tók ég nokkrar myndir í Reykjavíkurhöfn og meðal annars af Haka RE , gömlum lóðsbát sem stendur á þurru. Haki RE var smíðaður árið 1947 hjá Skipasmíðastöð Daníels í Reykjavík.

Nú spyr sá sem ekki veit , hver er framtíð þessa báts ? Báturinn er orðinn 68 ára og á eflaust ekki langt eftir ef þetta er framtíðin , standandi á búkka í Reykjavíkurhöfn.

 

Í skipaskrá Fiskifrétta segir m.a. um Haka RE

Stærð og mál

Brúttórúmlestir 21,12
Brúttótonn 26,21
Nettótonn 7,86
Mesta lengd 14,95
Skráð lengd 14,45
Skráð dýpt 1,81
Skráð breidd 4,05

29.01.2015 12:40

Ein gömul : Mávur SI & óþekktur bátur ! Þekkja menn bátinn ?

Ég hef verið að skanna inn gamla myndir upp á síðkastið úr gömlu albúmum frá pabba og rakst á þessa hér .

Sá minni er Mávur SI 76 en hann var smíðaður hjá Bátalóni í Hafnarfirði árið 1971 og bar smíðanúmerið 391.

Þann stærri þekki ég ekki , en ef myndin er stækkuð þá gæti skipaskrárnúmerið verið 7?4 

Hvað segja lesendur myndasíðunnar , þekkja þeir bátinn ?

Mynd : Úr safni Sveins Björnssonar

 

28.01.2015 11:10

Málmey SK

Nýjasti ísfisktogari Íslendinga , Málmey SK 1 , kom til Sauðárkrókshafnar í byrjun vikunnar eftir miklar endurbætur sem gerðar voru á skipinu í Gdansk í Póllandi. Í Póllandi var skipinu breytt úr frystitogara í ísfisktogara . Samhliða þeim breytingum fór fram mikil endurnýjun á skipinu. Var það allt sandblásið og málað og ýmsum búnaði skipt út.

Þann 9 desember lagðist Málmey að bryggju á Akranesi þar sem nýr vinnslubúnaður var settur í skipið ásamt ýmsu öðru. 

Sett var um borð í Málmey kælibúnaður til að kæla fisk um borð án þess að ís eða krapi komi þar nærri. Er þetta tilraunarverkefni Skagans hf og 3X frá Ísafirði þar sem markmiðið er að undirkæla fiskinn niður í - 1C°. Verður gaman að sjá hvernig þetta mun koma út.

Þiðrik Unason var mættur á kæjann og tók tvær myndir .

Mynd : Þiðrik Unason

 

Mynd : Þiðrik Unason

27.01.2015 12:00

Birtingur NK 124 í höfn á Siglufirði - 6 myndir

Á Kvótinn.is mátti lesa á fimmtudaginn var " Birtingur NK lauk loðnuleitartúr sínum aðfaranótt fimmtudags. Túrinn var farinn í samstarfi við Hafrannsóknastofnun og voru þrír sérfræðingar frá stofnuninni um borð. Mældi Birtingur loðnu austur og norður af Langanesi og á þeim slóðum sem loðnuflotinn hefur haldið sig á að undanförnu. Að leit lokinni hélt Birtingur til hafnar á Siglufirði og þar skilaði hann af sér sérfræðingum Hafrannsóknastofnunar. Ráðgert er að Birtingur haldi til loðnuveiða frá Siglufirði. "

Ég mætti á bryggjuna og smellti af nokkrum myndum , enda orðið langt síðan að loðnuskip komi til hafnar á Siglufirði .

 
 
 
 
 
 

Í skipaskrá Fiskifrétta segir um Birting NK :

Smíði

Smíðaár 1968
Smíðastaður Trondheim noregur
Smíðaland Noregur
Smíðastöð Trondheim mek. verksted
Smíðanúmer 0629
Efniviður Stál

25.01.2015 12:15

Gulltoppur GK 24 landar á Siglufirði - Myndasyrpa

Gulltoppur GK 24 sem Stakkavík ehf gerir út , er kominn norður fyrir land og landaði góðum afla á Siglufirði í gærkveldi. Var aflinn um 14 - 15 tonn , mestmegnis þorskur . Veðrið var ekkert sérstakt en strákarnir á Gulltopp létu það ekki stoppa sig.

Gulltoppur GK rær með balalínu og samkvæmt Aflafréttir.is situr Gulltoppur í 7 sæti á lista 3 yfir báta sem eru stærri en 15 bt með 100,6 tonn í janúar . Er þá róðurinn í gærkveldi ekki meðtalinn.

Ég smellti af nokkrum myndum þegar að Gulltoppur kom í land og á meðan löndun stóð.

 
 
 
 
 
 
 

 

25.01.2015 10:30

Múlaberg SI landar á Siglufirði

Múlaberg SI hefur verið á botnvörpu núna eftir áramót og samkvæmt vef Gísla Reynissonar, Aflafrettir.is , situr Múlaberg í 16 sæti eftir 5 veiðiferðir með 297,9 tonn . Hefur Múlinn landað á Siglufirði og er þorskurinn fluttur til Þorlákshafnar í vinnslu Ramma hf .

Annar meðafli hefur farið á Fiskmarkað Siglufjarðar.

 
 

Hér að neðan er Gunnlaugur Vigfússon starfsmaður Ramma HF að lesta bíl frá Eimskip . 

 

Í skipaskrá Fiskifrétta segir m.a um Múlaberg SI :

Stærð og mál

Brúttórúmlestir 550,17
Brúttótonn 819,35
Nettótonn 245,81
Mesta lengd 53,87
Skráð lengd 51,10
Skráð dýpt 6,50
Skráð breidd 9,50

22.01.2015 12:50

Sigurbjörg ÓF kemur til hafnar - Myndband

Addi Þórs sem heldur úti FishingHat.wordpress.com setti inn á dögunum skemmtilegt myndband af Sigurbjörg ÓF koma til hafnar á Ólafsfirði og ber myndbandið nafnið Sjómannslíf

Myndataka : Arnþór Þórsson

21.01.2015 20:40

Miðvikudagsgáta : Siglir SI 250

Hún var greinilega frekar létt gátan , sem ég setti inn fyrr í dag , því Jóhann Örn Jóhannsson var ekki lengi að koma með rétt svar : Siglir SI.

Myndina fékk ég lánaða hjá Adda Þórs sem heldur úti hinni stórgóðu síðu , FishingHat.wordpress.com .

Mynd : Arnþór Þórsson - FishingHat.wordpress.com

 

Mynd : Arnþór Þórsson - FishingHat.wordpress.com

 

Siglir SI var smíðaður árið 1976 í Þýskalandi.

21.01.2015 12:10

Miðvikudagsgáta : Hvert er skipið ?

Þar sem kerfið hjá 123.is er í ólagi í dag og ekki hægt að koma myndum inn á hefðbundinn hátt , skulum við skella hér inn einni myndagátu og spyrjum um leið hvort að menn og konur þekki skipið ?

Við bíðum með að birta nafn ljósmyndarans .

20.01.2015 12:45

Ottó N Þorláksson í slipp í RVK - 4 myndir

Ég var staddur í höfuðborginni nú á dögunum og tók nokkrar myndir , meðal annars af Ottó N Þorlákssyni sem þá var uppi í slipp . 

Samkvæmt Marine Traffic er skipið komið niður og liggur nú við bryggju í Reykjavíkurhöfn. Unnið var að vélaviðgerð en höfuðlega hafði gefið sig samkvæmt frétt á vef HB Granda

 
 
 
 

Í skipaskrá Fiskifrétta segir um Ottó N Þorláksson : 

Smíði

Smíðaár 1981
Smíðastaður Garðabær
Smíðaland Ísland
Smíðastöð Stálvík hf
Smíðanúmer B-29
Efniviður Stá

19.01.2015 12:50

Lukka SI 57 með tæp 11 tonn - Myndasyrpa

Eftir um vikustopp vegna brælu , komust línubátarnir sem gera út frá Siglufirði loksins á miðin á ný í gær. Voru aflabrögð með ágætum hjá flestum en þó skar Lukka SI sig úr , því Lukka landaði hvorki meira né minna en 10.748 kg og það á einungis 36 bala , sem gera 298,5 kg á bala.

Ég smellti af nokkrum myndum en sú fyrsta er frekar óskýr en hún sýnir þó hve vel báturinn bar aflann.

 

Hér má sjá hve þröngt var orðið á dekki 

 

Önnur mynd - Annað sjónarhorn.

 

Sigurður Oddsson skipstjóri sáttur með aflann.

 

Lukka SI 57 - Myndin er frá því í fyrra . 

 

 

18.01.2015 13:40

bs. Sigurvin & Sveinsbúð

Hér er Björgunarskipið Sigurvin við bryggju á Siglufirði á föstudaginn síðastliðinn. Sigurvin kom til Siglufjarðar líklegast í upphafi árs 2006 og leysti þá af eldri bát með sama nafni . Sigurvin var smíðaður árið 1988 í Englandi og hefur reynst vel frá komu sinni.

 

Fljótlega eftir að fyrsti Sigurvin kom , var Sveinsbúð keypt en í henni eru geymd tæki og tól sem tilheyra starfi Sigurvins. 

 

Sveinsbúð var í aukahlutverki í auglýsingu Hewlett Packard sem tekin var upp á Siglufirði fyrir nokkrum árum :

17.01.2015 14:10

Brettingur RE 508

Brettingur RE 508 lá við bryggju þegar að ég átti leið um Reykjavíkurhöfn á dögunum. Brettingur var við Grænland í fyrra á veiðum en ég veit ekki hver framtíð þessa skips er. Kannski hefur einhver lesandi nánari upplýsingar sem hann vill deila með okkur.

 

 

Þann 8. maí 2014 birtust frábærar myndir eftir Gylfa Scheving Ásbjörnsson hér á myndasíðunnni en þær voru teknar um borð í Bretting RE á leið til Grænlands . Þær má sjá með því að smella HÉR .

16.01.2015 14:00

Rifsnes SH & Örvar SH

Hafsteinn Þórarinn Björnsson var duglegur að mynda yfir jólahátíðina og hér eru tvær myndir sem hann tók í Rifshöfn af Rifsnesinu og Örvari .

Mynd : Hafsteinn Þórarinn Björnsson

 

Mynd : Hafsteinn Þórarinn Björnsson

 

Flettingar í dag: 46
Gestir í dag: 7
Flettingar í gær: 676
Gestir í gær: 82
Samtals flettingar: 2229589
Samtals gestir: 515668
Tölur uppfærðar: 25.9.2017 00:21:14

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar