Færslur: 2015 Ágúst

31.08.2015 12:45

Klakkur SK 5

Klakkur SK 5 lá við bryggju á Sauðárkrók um helgina þegar að ég átti leið þar í gegn.

 

Á vefsíðunni Fisk.is segir um Klakk SK 5 "Klakkur var smíðaður í Gdynia, Póllandi árið 1977 fyrir Klakk h/f í Vestmannaeyjum. Klakkur var gerður út frá Vestmannaeyjum sem Klakkur VE 103 í rúm 15 ár, eða þar til Hraðfrystihús Grundarfjarðar keypti hann, þann 6. júlí 1992. Klakkur komst svo í eigu FISK þegar Fiskiðjan Skagfirðingur og Hraðfrystihús Grundarfjarðar voru sameinuð, 1. janúar 1996."

30.08.2015 10:35

Anna Karín SH 316

Síðuhaldari er staddur í Stykkihólmi um helgina ásamt fjölskyldunni á litlu ættarmóti en ég laumaði mér þó út í gærdag og smellti af nokkrum myndum .

Sú fyrsta sem við sjáum frá Stykkishólmi er af bát sem ber nafnið Anna Karín SH 316.

 

29.08.2015 06:50

Strandveiði : Petrea EA 24

Petrea EA 24 var einn þeirra fjölmörgu báta sem gerðu út á strandveiðar í sumar frá Siglufirði.

 

Petrea EA var smíðuð á Siglufirði árið 1985 og hét upphaflega Ingeborg SI

28.08.2015 09:35

Haukaberg SH 20

Hér er Haukaberg SH í Grundarfjarðarhöfn a dögunum . Haukaberg SH er gert út af Hjálmar ehf í Grundarfirði.
Síðasta löndun sem skráð er á Haukaberg SH samkvæmt vef Fiskistofu var 30.04.2015

 

Haukaberg SH var smíðað árið 1974 á Akranesi hjá Þorgeir & Ellert .

27.08.2015 12:50

Tómas Þorvaldsson GK 10 landaði á Siglufirði

Línuskipið Tómas Þorvaldsson GK sem gerður er út af Þorbirni hf kom inn til Siglufjarðar seinni part mánudagsins vegna bilunnar en skipið hafði einnig fengið í skrúfuna. Landað var svo ágætis afla úr Tómasi á þriðjudaginn en skipið hélt svo á ný til veiða síðar um kvöldið.

 
 

25.08.2015 12:40

Perlan ÓF 75

Sverrir Mjófjörð Gunnarsson , aflakló og meistarakokkur á Mánaberginu , hefur verið að skaka á trillu sinni , Perlan ÓF 75 síðustu daga og hér kemur hann inn til löndunar á dögunum.

 

24.08.2015 13:25

Eyborg ST 59 - Ormurinn langi á Siglufirði

Eyborg ST 59 kom inn til Siglufjarðar aðfaranótt föstudagsins síðasta og lá við bryggju fram eftir degi áður en skipið hélt á ný til veiða. 

Eflaust hefur einhver bilun verið um borð sem orsakaði þetta stopp , en ég sá meðal annars bíl frá Kælismiðjunni Frost við skipið .

 
 

23.08.2015 12:00

Mánaberg ÓF í vari við Látrabjarg - 2 myndir

Sæmundur Pálmi Jónsson stýrimaður á Sigurbjörg ÓF tók þessar tvær flottu myndir af Mánaberg ÓF liggja í vari við Látrabjarg í gærdag.

Skipin eru bæði við makrílveiðar en leiðinda veður hefur haft áhrif á veiðarnar og er í lítið um makríl þessa stundina

Mynd : Sæmundur Pálmi Jónsson

 

Mynd : Sæmundur Pálmi Jónsson

 

Ég þakka Sæma fyrir afnotin af myndunum og minni sjómenn á netfangið mitt 580skoger@gmail.com ef þeir vilja deila myndum sínum hér á vefsíðunni.

22.08.2015 16:35

Andvari I SI 30

Andvari I SI 30 hefur verið gerður út á handfæri frá Siglufirði í sumar og í vikunni sem leið kom hann með rúm 4,6 tonn að landi eftir veiði á Hornbankanum . Var meirihluti aflans vænn ufsi eða rúm 2,6 tonn.

 

Myndin er frá því snemma í sumar þegar að Andvari I SI var að koma að bryggju eftir 

21.08.2015 12:10

Berglín GK 300

Hér er ein mynd sem ég tók af Berglín GK í júlí mánuði þegar að færa þurfti skipið vegna komu frystitogara (Mánaberg / Sigurbjörg - man ekki hvort skipið það var)

 

20.08.2015 18:56

Strandveiði : Blíðfari ÓF 70

Blíðfari ÓF 70 var einn þeirra fjölmörgu báta sem gerðu út á strandveiðar í sumar frá Siglufirði.

 

19.08.2015 16:55

Vöttur SU 250

Vöttur SU 250 kom inn til Siglufjarðar á aðfaranótt mánudagsins sl. Vöttur var að koma frá Breiðdalsvík eftir vel heppnaða strandveiði vertíð og var á leið til sinnar nýju heimahafnar , Bolungarvík.

Eigandi bátsins keypti hann í sumar og kláraði vertíðina á Breiðdalsvík og ætlaði að nota tímann í vetur til þess að dytta að bátnum , meðal annars setja á hann mastur á ný.

 

18.08.2015 12:45

Akraberg ÓF 90 með tæp 10 tonn !

Akraberg ÓF 90 landaði á Siglufirði í gærkveldi mjög góðum afla , 9.552 kg , sem fengust á handfæri á Hornbankanum . 

Var aflinn 7,5 tonn af stórum þorski og 2 tonn af vænum ufsa.

 

Myndin er tekin úr dágóðri fjarlægð í gærkveldi þegar að Akraberg ÓF var að koma að bryggju á Siglufirði en eins og sjá má , þá ber báturinn þennan afla mjög vel.

17.08.2015 12:55

Bíldsey SH 65 aftur í gang !

Bíldsey SH 65 var dregin útúr húsi hjá Siglufjarðar Seig á föstudaginn síðasta eftir að hafa verið í klössun í sumar en síðasti róður var 25 maí.

Í gær landaði svo Bíldsey tæpum 6,5 tonnum , mestmegnis ýsu , á Hofsós.

 

16.08.2015 10:20

Strandveiði : Mínerva EA 100

Mínerva EA 100 var einn þeirra fjölmörgu báta sem gerðu út á strandveiðar í sumar frá Siglufirði.

 
Flettingar í dag: 46
Gestir í dag: 7
Flettingar í gær: 676
Gestir í gær: 82
Samtals flettingar: 2229589
Samtals gestir: 515668
Tölur uppfærðar: 25.9.2017 00:21:14

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar