Færslur: 2017 Maí

31.05.2017 20:00

Glæsilegt myndband frá Fiskmarkað Siglufjarðar

Á heimasíðu Fiskmarkaðs Siglufjarðar mátti sjá í gær nýtt kynningarmyndband um hluta af starfsemi Fiskmarkaðs Siglufjarðar.

Gunnlaugur Stefán Guðleifsson sá um upptökuna og er myndbandið hið glæsilegasta.

Ég hvet ykkur til að horfa á myndbandið hér fyrir neðan

 

30.05.2017 09:00

Sólberg , Sigurbjörg og Múlaberg

Þessi mynd er tekin 22.maí þegar að Sigurbjörg ÓF 4 hélt til veiða , líklegast í síðasta sinn . Ég stóð um borð í Múlaberginu og smellti af þegar að stefni Sólbergs og Sigurbjargar "kysstust"

 

29.05.2017 10:45

Vilhelm Þorsteinsson EA 11

Hér er Vilhelm Þorsteinsson EA 1 við bryggju á Akureyri núna fyrr í mánuðinum en samkvæmt vef Fiskistofu landaði Vilhelm síðast á Seyðisfirði 1.642.000 tonnum af kolmunna .

 

 

28.05.2017 07:45

Ice Moon

Magnús Jónsson sendi mér þessa mynd á dögunum af flutningaskipinu Ice Moon en það var smíðað árið 2008 og er 129 metrar á lengd.

Mynd : Magnús Jónsson

 

 

27.05.2017 07:55

Draumur EA

Hvalaskoðunarbáturinn Draumur EA er glæsilegur bátur sem smíðaður var í Hafnarfirði hjá Básar hf árið 1979.

Draumur EA er gerður út á hvalaskoðun frá Dalvík og er eigandi bátsins Arctic Sea Tours ehf.

 

26.05.2017 07:30

Sigurbjörg ÓF 4

Sigurbjörg ÓF kom til Siglufjarðar aðfaranótt sunnudagsins síðasta eftir um þriggja vikna túr í Rússnesku lögsögunni. Var landað úr skipinu á sunnudeginum rúmlega 11.300 kössum eða 230 tonnum af afurðum .

Sigurbjörg ÓF hélt svo til veiða á ný um kl 16:00 á mánudaginn og er þetta líklegast síðasti túrinn hjá Sibbunni segir sagan . En aldrei að segja aldrei ..

 

Í dag ber Sigurbjörg einkennistafina ÓF 4 eftir að Sólberg ÓF 1 kom til landsins.

23.05.2017 14:30

Togarar Ramma hf í höfn á Siglufirði

Í gærmorgun þegar að ég vaknaði og leit út um eldhúsgluggann voru allir togarar Ramma hf í Fjallabyggð saman komnir við bryggju á Siglufirði og er gaman að sjá stærðarmuninn á þessum þremur togurum .

 

22.05.2017 23:00

Óli á Stað GK 99 í fyrsta túr !

Óli á Stað GK 99 kom til Siglufjarðar aðfaranótt föstudagsins síðasta og hélt af stað í sína fyrstu veiðiferð á laugardagskvöldið.

Fjöldi fólks var samankomin á bryggjunni þegar að Óli á Stað GK hélt loks til veiða og sá Þorgerður Katrín Gunnarsdóttir, sjávarútvegs- og landbúnaðarráðherra, um að sleppa endanum hjá Óla á Stað.

Óli á Staðkom svo til löndunar um kaffileytið í gær og landaði um rúmum 8 tonnum og voru strákarnir í áhöfninni mjög sáttir eftir fyrsta túr.

Skipstjórinn á Óla á Stað er Óðinn Arnberg.

 
 
 

21.05.2017 17:00

Móttökuathöfn við komu Sólbergs ÓF 1

Í gærdag fór fram fjölmenn móttökuathöfn þegar að Rammi hf á Siglufirði tók formlega við Sólberg ÓF 1 . Talið er að um 800-1000 manns hafi mætt á Hafnarbryggjuna á Siglufirði í sól og blíðu.

Ólafur H Marteinsson framkvæmdarstjóri Ramma hf og Þorgerður Katrín Gunnarsdóttir, sjávarútvegs- og landbúnaðarráðherra fluttu stutt ávörp , áður en Álfhildur Stefánsdóttir gaf skipinu formlega nafnið Sólberg ÓF 1 . Að lokum blessaði Sigríður Munda Jónsdóttir , sóknarprestur í Ólafsfirði , skipið.

Rammi hf bauð svo fólki um borð í Sólberg ÓF í skoðunarferð og léttar veitingar.

 

 

Ólafur Helgi Marteinsson 

 

Þorgerður Katrín Gunnarsdóttir

 

Ólafur H Marteinsson og Álfhildur Stefánsdóttir

 

Sigríður Munda Jónsdóttir

19.05.2017 11:10

Sólberg ÓF 1 komið til Siglufjarðar

Sólberg ÓF 1 er komið inn til Siglufjarðar og siglir nú í þessu á hægri ferð inn fjörðinn . 

Ég tók nokkrar myndir núna rétt áðan þar sem skipið dólaði í minni Siglufjarðar áður en það hélt af stað til hafnar.

Fleiri myndir koma inn síðar í dag.

 
 
 
 
 

17.05.2017 16:14

Sóberg ÓF 1 - Móttökuathöfn

Nú styttist í komu Sólbergs ÓF 1 til heimahafnar en áætlað er skipið komi til hafnar á Siglufirði upp úr hádegi á föstudaginn næsta.

Af því tilefni býður Rammi hf. til móttöku sem haldin verður laugardaginn 20. maí nk. á Siglufirði.

 

Dagskrá:

Kl. 13.30 Framkvæmdastjóri Ramma hf., Ólafur Helgi Marteinsson, býður gesti velkomna.

Kl. 13:35 Sjávarútvegs- og landbúnaðarráðherra, Þorgerður Katrín Gunnarsdóttir, flytur ávarp.

Kl. 13:50 Álfhildur Stefánsdóttir gefur skipinu formlega nafn.

Kl. 13:55 Sóknarpresturinn í Ólafsfirði, Sr. Sigríður Munda Jónsdóttir, blessar skipið.

Kl. 14:00 Gestum boðið að skoða skipið.

15.05.2017 10:30

Sjagaklettur TG964

Hér er færeyski togarinn Sjagaklettur TG 964 við bryggju í Hafnarfirði en Magnús Jónsson sendi mér þessa mynd fyrir stuttu.

Sjagaklettur var smíðaður árið 1997 í Þýskalandi.

Mynd : Magnús Jónsson

 

14.05.2017 08:00

Kaldbakur EA 1

Ég hef lítið verið á ferðinni og því lítið myndað upp á síðkastið en skrapp til Akureyrar á fimmtudaginn og smellti þá nokkrum myndum af Kaldbak EA þar sem verið var að færa skipið til í höfninni á Akureyri.

Kaldbakur EA kom til heimahafnar á Akureyri 4 mars. Skipið kemur í stað togara með sama nafni sem þjónað hafði ÚA síðan 1974.
Kaldbakur var smíðaður í Cemre skipasmíðastöðinni í Tyrklandi.  Skipið er 62 metra langt og 13,5 metra breitt.

 
 
 
 

08.05.2017 09:25

Áskell Egilsson EA og Steini Vigg SI

Þiðrik Unason tók þessar tvær myndir í morgun af Steina Vigg og Áskel Egilssyni við bryggju á Akureyri.

Áskell Egilsson EA var smíðaður árið 1975 og Steini Vigg SI var smíðaður árið 1976 en báðir bátarnir voru smíðaðir hjá Skipasmíðastöðinni Vör hf á Akureyri .

Mynd : Þiðrik Unason

 

Mynd : Þiðrik Unason

 

07.05.2017 17:00

Akraberg ÓF 90

Ennþá eru nokkrir bátar sem gera út frá Siglufirði sem eru á grásleppunetum . Akraberg ÓF er einn þeirra og hér kemur Akraberg að bryggju fyrir nokkrum dögum.

 
Flettingar í dag: 479
Gestir í dag: 98
Flettingar í gær: 711
Gestir í gær: 99
Samtals flettingar: 2226089
Samtals gestir: 515002
Tölur uppfærðar: 19.9.2017 22:18:58

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar