17.10.2016 22:40

Dagur SI 100

Tók þessa mynd í síðustu viku af Degi SI 100 að koma inn úr handfæraróðri . Dagur SI bar áður nafnið Otur SI og var smíðaður hjá Knörr á Akranesi árið 2001.

 

16.10.2016 17:45

Dalborg EA 317 hífð á flot

Dalborg EA 317 (ex Bjargey ÞH 238) var hífð á flot í vikunni en Dalborg EA var í vélarskiptum og öðru viðhaldi hjá Siglufjarðar Seig á Siglufirði .

 

15.10.2016 10:55

Hamar SH 224 landar á Siglufirði

Hamar SH 224 hefur bæst í þann hóp línuskipa sem landa á Siglufirði . Þann 6 október kom Kristrún RE með Hamar í togi til Siglufjarðar eftir að bilun varð um borð og eftir viðgerð hélt Hamar á ný til veiða og landaði síðan aftur 11. október , rúmum 43 tonnum , þar af rúmum 39 tonnum af þorski.

Síðan þá hefur Hamar SH legið við bryggju en verið er að skipta um ljósavél í skipinu og sinna öðru viðhaldi. Stefnt er að því að Hamar haldi á ný til veiða á þriðjudagskvöldið næsta.

Hamar SH var smíðaður árið 1964 í hinni frægu skipasmíðastöð Cochrane & Sons Ltd í Englandi.

 
 
 
 

14.10.2016 19:09

Lukka ÓF 57

Siggi Odds á Lukku ÓF 57 er duglegur að sækja á sjóinn og hér er hann að koma í land á þriðjudaginn með um 2,7 tonn.

 

Lukka ÓF var smíðuð árið 2001 hjá Knörr á Akranesi.

12.10.2016 20:15

Sighvatur GK 57 landar á Siglufirði

Línuskipið Sighvatur GK 57 , sem Vísir hf í Grindavík gerir út , kom inn til Siglufjarðar í gærmorgun og landaði 80 - 90 tonnum .

Er Sighvatur GK annar Vísis báturinn sem landar á Siglufirði í ár , en Kristín GK hefur núna landað nokkrum sinnum í haust.

 

Sighvatur GK 57 var smíðaður árið 1965 í Boizenburg í Austur þýskalandi. 

12.10.2016 08:35

Þinganes ÁR 25 í slipp

Þinganes ÁR 25 er þessa dagana í slipp á Akureyri þar sem verið er að mála skipið og eflaust sinna öðru viðhaldi sem þörf var á.

Ég tók þessar tvær myndir um helgina en þar má sjá Þinganesið í bláum lit en áður var skipið rautt að lit .

 
 

11.10.2016 12:50

Gullhólmi SH og Eskey ÓF - Góð veiði fyrir norðan

Góð veiði er á línubátunum sem gera út frá Siglufirði þessa dagana . Gullhólmi SH 201 og Eskey ÓF 80 eru meðal þeirra báta sem gera út frá Siglufirði og hafa báðir fiskað vel . 

Á listanum yfir báta sem eru yfir 15 bt á vefnum Aflafréttir.is sat Gullhólmi í 6 sæti en Eskey í 12 sæti.

 

d

 

k

10.10.2016 13:10

Rifsnes SH 44 strandar í Siglufjarðarhöfn - Myndasyrpa

Rifs­nes SH 44 strandaði í gærkvöldi um kl. 19 á sandrifi rétt utan við Siglu­fjarðar­höfn. Björg­un­ar­bát­ur­inn Sig­ur­vin frá björg­un­ar­sveit­inni Strák­um var kallaður út stuttu síðar til að draga bát­inn af rif­inu og gerði nokkrar tilraunir til þess að losa Rifsnesið . Var þá Faxaborg SH fengin til aðstoðar og reyndu Sigurvin og Faxaborg í sameiningu að draga skipið af rifinu en það hafðist ekki . Byrjað var að fjara út en háfjara átti að vera um kl. 20:32.

Rifsnesið sat fast að aftan og stefndi því í það að bíða þyrfti eftir flóði , en Sigurvin gerði eina tilraun að lokum til þess að losa skipið og dróg Rifsnesið áfram og þar með losnaði það af sandrifinu. Rifsnesið komst að bryggju fyrir eigin vélarafli og stuttu síðar hélt það á ný til veiða . 

Hér koma nokkrar myndir sem ég tók í gærkveldi . 

 
 
 
 
 
 
 

 

08.10.2016 23:50

Guðbjörg Sigurðardóttir ÍS 508 (ex Stígandi VE)

Guðbjörg Sigurðardóttir ÍS 508 (ex Stígandi VE 77) er í eigu Tjaldtanga ehf á Ísafirði en er búin að vera í slipp í Njarðvík í dágóðan tíma .

Þessar tvær myndir tók ég í ágúst mánuði en samkvæmt Marine Traffic er Guðbjörg enn í slippnum. 

 
 

07.10.2016 18:45

Eyborg ST 59

Hún er orðin þreytt að sjá , Eyborg ST 59 , sem lá við bryggju á Akureyri í enda ágúst mánaðar þegar að ég átti leið þar um .

Eyborg ST var smíðuð árið 1993 í Portúgal og er gerð út á rækjuveiðar .

 

05.10.2016 22:50

Katrín GK 266

Katrín GK 266 sem er í eigu Stakkavíkur hefur verið á Siglufirði frá því í júní og hefur fiskað ágætlega upp á síðkastið. 

Katrín GK var lengd hjá Siglufjarðar Seig árið 2014 og með því að SMELLA HÉR má sjá myndir frá því að hún var hífð á flot eftir breytingarnar.

 

04.10.2016 22:20

Múlaberg SI 22

Hér má sjá Múlaberg SI 22 við bryggju á Siglufirði í blíðskapaveðri í ágústmánuði en Múlaberg SI er á rækjuveiðum og hefur veiðin verið sæmileg á nýju kvótaári . Samkvæmt vef Fiskistofu hefur aflinn verið frá 16 upp í 21 tonn af rækju eftir viku á veiðum.

 

03.10.2016 15:30

Sandfell SU 75 landar mokafla !

Áhöfnin á Sandfell SU 75 , með Rafn Franklin Arnarson í brúnni, kom í land í gærkveldi með nánast fullan bát , eða 19.013 kg .

Var aflinn 12,3 tonn af þorski og 6 tonn af ýsu. Fékkst aflinn á tvær lagnir . Bar báturinn aflann vel og var allt í körum í lest .

Sandfell SU bar áður nafnið Óli á Stað GK og var í eigu Stakkavíkur en er í eigu Hjálmars ehf í dag.

 
 
 
 
 

02.10.2016 13:45

Frosti ÞH 229 landar á Siglufirði

Frosti ÞH 229 landaði á Siglufirði á fimmtudaginn , rúmum 50 tonnum og var uppistaða aflans þorskur.

Frosti ÞH er búinn að vera fyrir austan og landaði tvívegis á Eskifirði áður en hann kom norður.

 

01.10.2016 14:55

Faxaborg SH 207

Faxaborg SH 207 er núna búin að landa tvívegis á Siglufirði . Í fyrra skiptið landaði Faxaborg tæpum 11 tonnum og í það seinna 6,6 tonnum.

Faxaborg SH var smíðuð árið 2001 í Kína og er í eigu KG Fiskverkunar á Rifi .

 
Flettingar í dag: 46
Gestir í dag: 7
Flettingar í gær: 676
Gestir í gær: 82
Samtals flettingar: 2229589
Samtals gestir: 515668
Tölur uppfærðar: 25.9.2017 00:21:14

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar