09.10.2015 13:20

Kap VE 4

Kap VE 4 var við slippbryggjuna á Akureyri á dögunum þegar að ég átti leið þar um .

Kap VE var smíðað árið 1988 í Danmörku og er gert út af Vinnslustöðinni í Vestmannaeyjum.

 

 

07.10.2015 11:00

Grundfirðingur SH 24 landar á Siglufirði

Þeim fjölgar alltaf skipunum sem landa á Siglufirði þessa dagana , því að á sunnudaginn var landað úr línuskipinu Grundfirðing SH 24.

Var aflinn með ágætum og fór þorskurinn vestur í vinnslu hjá Soffanías Cecilssyni en annar afli fór á Fiskmarkað Siglufjarðar

 

Í skipaskrá Fiskifrétta segir meðal annars um Grundfirðing SH : 

Smíði

Smíðaár 1972
Smíðastaður Garðabær
Smíðaland Ísland
Smíðastöð Stálvík hf
Smíðanúmer 0018
Efniviður Stál

06.10.2015 14:45

Frosti ÞH 229 í slipp á Akureyri

Frosti ÞH 229 er þessa dagana í slipp á Akureyri og smellti ég tveimur myndum af honum á laugardagskvöldið síðasta.

 
 

05.10.2015 13:00

Nýi Gullhólmi SH 201 landar á Siglufirði - Fyrsta löndun !

Hið nýja fley Agustson ehf , Gullhólmi SH 201, landaði á Siglufirði í gær . Var þetta fyrsta löndun Gullhólma SH en báturinn var afhentur núna á dögunum .

Var aflinn rúm 10-12 tonn af slægðum þorski, en um 1700 kg fóru á markað.

Að sögn Sigurðar skipstjóra reyndist báturinn mjög vel og virkaði allt sem skyldi og svo bætti hann við " 7-9-13 "

Hér fyrir neðan koma nokkrar myndir frá því í gær :

 
 
 
 
Útgerðarmaður og skipstjóri ánægðir með nýja bátinn við löndun á Siglufirði í gær

 

04.10.2015 16:50

Ljósafell SU 70

Ljósafell SU 70 var í slipp á Akureyri í síðasta mánuði þegar að ég átti leið þar um . 

 

Ljósafell SU 70 var smíðað árið 1973 í Japan eins og flestir vita .

02.10.2015 21:20

Abba SH 98

Abba SH 98 stóð á þurru þegar að ég átti leið um Stykkishólm á dögunum . 

 

01.10.2015 20:45

Sandvík EA 200

Hér er mynd sem Þiðrik Unason sendi mér á dögunum af Sandvík EA 200 en Sandvíkin landaði þrívegis í Skagafirði í september mánuði .

Mynd : Þiðrik Unason

 

30.09.2015 12:20

Sigurbjörg ÓF 1 heldur til veiða

Landað var úr Sigurbjörg ÓF 1 á laugardaginn sl. og segir á Siglfirðingur.isAfli úr sjó var 279 tonn, mest þorskur og karfi en einnig veiddist lítilsháttar af grálúðu og ufsa."

Sibban hélt svo á ný til veiða í gærmorgun og smellti ég af einni mynd þegar að hún bakkaði frá bryggju.

 

29.09.2015 18:25

Guðrún SH 190

Guðrún SH 190 stóð á þurru þegar að ég átti leið um Stykkishólm á dögunum . Guðrún SH var gerð út á grásleppunet í vor en fór einungis 5 róðra .

 

28.09.2015 14:35

Kristrún RE 177 á útleið frá Siglufirði

Kristrún RE 177 landaði á Siglufirði rúmlega 100 tonnum í gær en þetta var þriðja löndunin á Siglufirði í haust hjá Kristrúnar mönnum.

Í fyrstu lönduninni var aflinn um 128 tonn og í þeirri seinni var aflinn um 117 tonn. 

 

Myndin hér fyrir ofan var tekin seinnipartinn í gær þegar að Kristrún RE hélt á ný til veiða að löndun lokinni.

27.09.2015 12:30

Nótin tekin á Þorleifi EA - Stór myndasyrpa

Þiðrik Unason hefur verið duglegur að senda mér myndir í gegnum tíðina og í dag fáum við að sjá stóra myndasyrpu sem hann tók um borð í dragnótarbátnum Þorleifi EA þann 15. september sl. þegar að áhöfnin var að taka hol og nótin að koma upp.

 
 
 
 
 
 
 
 
 
 
 

Ég þakka Þiðrik vel fyrir sendinguna og minni sjómenn sem og aðra á netfangið mitt , 580skoger@gmail.com , ef þeir vilja deila myndum sínum hér á myndasíðunni.

25.09.2015 09:45

Pétur afi SH 374 - Gamall og lúinn

Á ferð minni um Stykkishólm tók ég nokkrar myndir eins og áður segir . Meðal annars myndaði ég Pétur afa SH 374 sem lá við bryggju við Skipavík.

Pétur afi SH var smíðaður árið 1976 hjá Dröfn hf í Hafnarfirði. Síðasta löndun sem skráð var á bátinn var 10. september árið 2013.

 

Ætli Haukur eigi pappírssnepil um afa ?

24.09.2015 12:55

Sóley Sigurjóns GK 200 komin til Siglufjarðar eftir brunann

Línuskipið Tómas Þorvaldsson GK kom með Sóley Sigurjóns GK í togi inn til Siglufjarðar í fyrrinótt eftir að eldur kviknaði um borð í Sóley við rækjuveiðar 25 sm NV af Sauðanesi á þriðjudaginn síðastliðinn.

Í gærdag var þeim litla afla landað sem um borð var , ásamt tómum körum og ís og er nú unnið að því að koma aðalvélinni í gang og er þá stefnt að því að skipið sigli fyrir eigin vélarafli suður , þar sem skipið fer í slipp.

Hér koma þrjár myndir frá því í gær og í fyrradag :

 

Björgunarskipið Sigurvin leggur af stað í útkallið kl. 12:23

 

Sóley Sigurjóns GK við bryggju í gærmorgun.

 

Byrjað að landa úr Sóley Sigurjóns GK.

 

 

23.09.2015 11:10

Eldur kviknaði í Sóley Sigurjóns GK

Eins og flestir vita kviknaði eldur um borð í Sóley Sigurjón GK um hádegisbilið í gær. Á vef Landhelgisgæslunnar segir um atburðinn "

Þá þegar kallaði stjórnstöð Landhelgisgæslunnar út tvær þyrlur Landhelgisgæslunnar og með annarri þeirra voru sendir reykkafarar frá Slökkviliði höfuðborgarsvæðisins. Hélt þyrlan TF-LIF áleiðis á vettvang meðan hin þyrlan var sett í viðbragðsstöðu. Einnig voru björgunarskip Slysavarnarfélagsins Landsbjargar á Siglufirði og Skagaströnd kölluð út. Þá var flugvél Landhelgisgæslunnar send á vettvang en hún var í eftirlitsflugi út af Austfjörðum. Flugvélin er búin sértækri hitamyndavél sem getur greint hita á yfirborði þilfars og á síðum skipa. Auk þess var ákveðið að senda varðskipið Þór áleiðis á vettvang en varðskipið var statt við Snæfellsnes. Haft var samband við nærliggjandi skip og báta og var afráðið að línuskipið Tómas Þorvaldsson sem statt var í innan við klukkustundar fjarlægð frá Sóleyju Sigurjóns héldi á staðinn.

TF-SIF, flugvél Landhelgisgæslunnar var komin á vettvang yfir togaranum kl. 12:48 og tilkynnti áhöfn hennar að mikill hiti sæist umhverfis útblástursrör vélarrýmisins. Um klukkan 13:00 töldu skipverjar á Sóleyju Sigurjóns að þeir hefðu ráðið niðurlögum eldsins og ætluðu að freista þess að komast inn í vélarrýmið til að setja ljósavél í gang. Ákveðið var að TF-LIF, þyrla Landhelgisgæslunnar héldi áfram með reykkafara til að aðstoða við reyklosun í vélarrými skipsins. Reykkafarar ásamt sigmanni Landhelgisgæslunnar voru komnir um borð rétt fyrir klukkan tvö og um svipað leyti kom björgunarskip Slysavarnarfélagsins Landsbjargar frá Siglufirði á staðinn. Slökkvilið Fjarðarbyggðar hafði til reykblásara sem þyrlan var tilbúin að flytja út í togarann ef á þyrfti að halda.

Skipverjar á Sóleyju Sigurjóns komu ljósavélinni í gang með aðstoð reykkafaranna en nánari skoðun leiddi í ljós að ekki væri hægt að koma aðalvél skipsins í gang vegna brunaskemmda. Var þá afráðið í framhaldinu eða um klukkan 16:00 að línuskipið Tómas Þorvaldsson aðstoðaði við að draga Sóleyju Sigurjóns til hafnar á Akureyri eftir að skipin væru búin að hjálpast að við að ná rækjutrollinu upp. Frekari aðstoð björgunarskipa Slysavarnarfélagsins Landsbjargar var þá afþökkuð, þyrla Landhelgisgæslunnar sótti reykkafarana og sigmanninn um borð og varðskipinu Þór var snúið við. "

 

Tómas Þorvaldsson GK kom svo með Sóley Sigurjóns í togi inn til Siglufjarðar um kl. 01:00 í nótt þar sem reyna á að gera við skipið til bráðabirgða og er svo stefnt að því að Sóley haldi suður í slipp.

 

Myndin hér fyrir ofan var tekin 30 september 2013 þegar að Sóley varð vélarvana á Siglufirði en lesa má um atvikið með því að smella HÉR

 

Nýjar myndir af Sóley Sigurjóns koma hér inn á vefinn síðar í dag.

22.09.2015 12:45

Kristbjörg HF 212 komin til Siglufjarðar

Kristbjörg HF 212 er komin til Siglufjarðar og er nú í sínum öðrum róðri . Samkvæmt vef Fiskistofu er eigandi og útgerðaraðili Ísborg ehf. 

 

 

Flettingar í dag: 79
Gestir í dag: 8
Flettingar í gær: 516
Gestir í gær: 66
Samtals flettingar: 2265436
Samtals gestir: 521755
Tölur uppfærðar: 18.11.2017 02:14:11

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar