15.05.2017 10:30

Sjagaklettur TG964

Hér er færeyski togarinn Sjagaklettur TG 964 við bryggju í Hafnarfirði en Magnús Jónsson sendi mér þessa mynd fyrir stuttu.

Sjagaklettur var smíðaður árið 1997 í Þýskalandi.

Mynd : Magnús Jónsson

 

14.05.2017 08:00

Kaldbakur EA 1

Ég hef lítið verið á ferðinni og því lítið myndað upp á síðkastið en skrapp til Akureyrar á fimmtudaginn og smellti þá nokkrum myndum af Kaldbak EA þar sem verið var að færa skipið til í höfninni á Akureyri.

Kaldbakur EA kom til heimahafnar á Akureyri 4 mars. Skipið kemur í stað togara með sama nafni sem þjónað hafði ÚA síðan 1974.
Kaldbakur var smíðaður í Cemre skipasmíðastöðinni í Tyrklandi.  Skipið er 62 metra langt og 13,5 metra breitt.

 
 
 
 

08.05.2017 09:25

Áskell Egilsson EA og Steini Vigg SI

Þiðrik Unason tók þessar tvær myndir í morgun af Steina Vigg og Áskel Egilssyni við bryggju á Akureyri.

Áskell Egilsson EA var smíðaður árið 1975 og Steini Vigg SI var smíðaður árið 1976 en báðir bátarnir voru smíðaðir hjá Skipasmíðastöðinni Vör hf á Akureyri .

Mynd : Þiðrik Unason

 

Mynd : Þiðrik Unason

 

07.05.2017 17:00

Akraberg ÓF 90

Ennþá eru nokkrir bátar sem gera út frá Siglufirði sem eru á grásleppunetum . Akraberg ÓF er einn þeirra og hér kemur Akraberg að bryggju fyrir nokkrum dögum.

 

02.05.2017 14:30

Standveiðivertíðin hafin !

Strandveiðivertíðin er hafin og er fjöldi báta á sjó í dag . Ég hafði samband við Vaktstöð Siglinga og töldu að þeir að um 150-200 bátar hefðu verið á sjó í dag þegar að mest var , en fáir bátar eru á sjó fyrir sunnan land í dag vegna brælu. 

Strandveiðar hófust fyrst í júní 2009 og máttu þá smábátasjómenn veiða 4.000 tonn á tímabilinu maí - ágúst. Á komandi vertíð verður leyfilegur heildarafli 9.200 tonn og er það aukning um 200 tonn frá fyrra ári.  Önnur ákvæði um veiðisvæði, veiðidaga, hámarksafla á dag og fjölda handfærarúlla verða óbreytt frá fyrri árum.  Reikna má með að útgefin veiðileyfi verði rúmlega 700.

Trausti EA 98 - Glæsilegasti strandveiðibátur landsins

Við úthlutun aflaheimilda er byggt á svæðaskiptingu; svæði A) nær frá A. Eyja- og Miklaholtshreppi til Súðavíkurhrepps, svæði B) nær frá Strandabyggð til Grýtubakkahrepps, svæði C) nær frá Þingeyjarsveit til Djúpavogshrepps og svæði D) nær frá Hornafirði til Borgarbyggðar.

01.05.2017 22:00

Þorleifur EA 88

Þorleifur EA 88 kom inn til Siglufjarðar í síðustu viku og lá við bryggju í rúman sólarhring áður en hann hélt út aftur . 

 

30.04.2017 10:30

Oddverji ÓF 76

Oddverji ÓF 76 er byrjaður á línu eftir að hafa lokið grásleppuveiðum . Oddverji ÓF er búinn að fara tvo róðra að eltast við grálúðu og hefur fiskað ágætlega.

Hér er Oddverji ÓF að koma inn til löndunar í gærdag.

 

 

 

23.04.2017 21:45

Ásbjörn RE 50 og Engey RE 91

Magnús Jónsson sendi mér þessa mynd fyrir stuttu af Ásbirni RE og Engey RE við bryggju í Reykjavík .

Ásbjörn RE lýkur senn ferli sínum en Engey RE mun taka við af honum þegar að hún verður klár til veiða.

Mynd : Magnús Jónsson

 

20.04.2017 20:20

Oddur á Nesi SI 76 með góðan afla

Það hefur verið rólegt yfir öllu á Siglufirði síðustu vikur . Flest allir bátar eru gerðir út á grásleppuveiðar þessa dagana en aflabrögð hafa verið mjög döpur hér fyrir norðan .

Enginn bátur hefur verið gerður út á línu frá því að grásleppuvertíðin hófst en Oddur á Nesi SI 76 fór í róður í fyrradag og landaði í gærmorgun góðum afla , eða rúmum 9,3 tonnum , þar af 4,6 tonn af ýsu og 3,7 tonn af þorski.

Hér eru tvær myndir frá því að Oddur á Nesi sigldi inn í gærmorgun til löndunar.

 
 

18.04.2017 12:15

Óli á Stað GK 99

Jæja .. Nú er að duga eða drepast . Það eru 15 dagar síðan að síðasta færsla kom inn og því er kominn tími á að skella inn eins og einni mynd. 

Hér er Óli á Stað GK 99 við bryggju á Akureyri en myndina tók ég 2 apríl síðastliðinn og þá frétti ég að stutt væri þar til að báturinn væri fullklár og gæti haldið fljótlega til veiða. 

Síðan eru liðinn rúmur hálfur mánuður og enn liggur Óli á Stað við bryggju á Akureyri . Síðan þá hef ég heyrt að hann eigi eftir að koma til Siglufjarðar þar sem starfsmenn Siglufjarðar Seigs eigi eftir að vinna í honum til þess að fullklára hann . 

Hvað sem veldur þessari seinkun er ég ekki viss um , en gaman væri ef fróðir menn gætu frætt okkur hina með því að skilja hér eftir athugasemdir.

 

03.04.2017 22:20

Tveir rússar í Hafnarfjarðarhöfn

Magnús Jónsson sendi mér þessar fjórar myndir fyrir skömmu og í texta sem þeim fylgdi sagði Magnús " Núna eru Rússarnir farnir að huga að karfanum í úthafinu , annar að koma úr kvínni og hinn að fara núna í vikunni "

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

29.03.2017 12:10

Júlíus Geirmundsson ÍS 270 kemur inn til Siglufjarðar

Júlíus Geirmundsson ÍS 270 kom inn til Siglufjarðar um hádegisbilið í gær til þess að sækja umbúðir og plast  og hélt skömmu síðar á ný til veiða.

 
 
 
Jónas Sumarliðason hafnarvörður í Fjallabyggð bíður eftir að Júlíus G. leggur að bryggju.

28.03.2017 10:00

Blængur NK 25 kemur inn vegna bilunar

Blængur NK 125 kom inn til Siglufjarðar um kaffileytið í gærdag vegna bilunar og tók viðgerðarmenn frá Slippnum um borð og hélt svo út á fjörð þar sem unnið var um borð áður en Blængur NK lagðist aftur að bryggju um kvöldmatarleytið og skilaði viðgerðarmönnunum og hélt svo á ný til veiða .

 
 
 
 

26.03.2017 11:25

Sigurbjörg ÓF 1 með fullfermi

Sigurbjörg ÓF kom til Siglufjarðar á föstudaginn síðastliðinn eftir um mánaðarúr í Barentshafið með fullfermi , eða um 230 tonn .

Landað var úr Sibbunni í gær en áætlað er að hún haldi á ný til veiða annað kvöld og er stefnan sett aftur í Barentshafið.

Eins og flestir vita var búið að leggja Sibbunni vegna komu Sólbergs ÓF og ætlaði Ramminn að gera út Mánabergið þar til að Sólbergið færi af stað en hlutirnir eru fljótir að breytast , kauptilboð kom í Mánann sem Ramminn gat ekki hafnað og því verður Sigurbjörg ÓF gerð áfram út , í það minnsta þar til að Sólbergið hefur veiðar . 

Sigurbjörg ÓF kemur til hafnar á Siglufirði eftir um mánaðartúr í Barentshafið

22.03.2017 10:00

Rannsóknarskipið Sea­bed Constructor

Magnús Jónsson sendi mér þessar myndir af Seabed Constructor sem hann tók í Reykjavíkurhöfn um daginn. Á vefsíðunni 200 mílur má lesa um skipið " Rann­sókn­ar- og fram­kvæmda­skipið Sea­bed Constructor hef­ur legið við Skarfa­bakka í Reykja­vík síðustu daga, en skipið kom hingað til lands frá Kan­ada til að taka vist­ir og skipta um áhöfn. Skipið er skráð í Ber­gen og eig­andi þess er norska fyr­ir­tækið Swire Sea­bed. 

Fyr­ir­tækið rek­ur þrjú skip til viðbót­ar og sér­hæf­ir sig í fram­kvæmd­um neðan­sjáv­ar auk verk­fræðilegra verk­efna. Það þjón­ust­ar meðal ann­ars ol­íu­palla við Nor­eg og er sér­út­búið til þess.

Í Sea­bed Constructor má finna rann­sókn­arkaf­báta og full­kom­in tæki og tól sem ætluð eru til notk­un­ar neðan­sjáv­ar. "

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Mynd : Magnús Jónsson

 

Mynd : Magnús Jónsson
 
Mynd : Magnús Jónsson
 
Flettingar í dag: 79
Gestir í dag: 8
Flettingar í gær: 516
Gestir í gær: 66
Samtals flettingar: 2265436
Samtals gestir: 521755
Tölur uppfærðar: 18.11.2017 02:14:11

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar