21.10.2014 17:00

Brælumyndir frá Kristrúnu RE 177

Það hefur ekki farið framhjá neinum , að skítabræla gengur nú yfir landið. Það er fátt sem stoppar stóru línuskipin og eru strákarnir á Kristrúnu RE að veiðum djúpt út af Húnaflóa og er búið að vera vitlaust veður á þeim . Ég fékk 4 myndir frá Helga Aage Torfasyni , skipstjóra á Kristrúnu RE , og þótt þær séu óskýrar , þá er gaman fyrir okkur landkrabbana að fá sjá svona myndir . 

Mynd : Helgi Aage Torfason

 

Mynd : Helgi Aage Torfason

 

Mynd : Helgi Aage Torfason

 

Mynd : Helgi Aage Torfason

Ég þakka Helga fyrir myndirnar og minni á netfangið mitt , 580skoger@gmail.com , ef sjómenn vilja deila myndum með mér og öðrum .

20.10.2014 12:50

FishingHat : Trollinu kastað

Þær eru margar glæsilegar myndirnar sem hann hefur tekið hann Arnþór Þórsson , vélstjóri á Mánaberginu . Hér er ein síðan 16 október og ber heitið " Trollinu kastað "

Fleiri myndir frá Adda má sjá á vefsiðunni hans , FishingHat , en tengill á síðuna hans er hér til hægri á síðunni.

 

19.10.2014 14:20

Líkan af Elliða SI 1

Á Síldarminjasafninu á Siglufirði má sjá nokkur skips líkön , þar á meðal líkön af síðutogurunum Elliða og Hafliða sem gerðir voru út frá Siglufirði. 

Heiðurinn af byggingu þessara líkana eiga nokkrir vaskir menn , sem halda úti hinni stórskemmtilegu síðu www.si2.is en þar má sjá myndir og lesa sögur frá þeim tíma þegar að þeir voru saman á Hafliða SI 2 . 

Í dag fáum við sjá tvær myndir af Elliða SI 1 en auðvitað hvet ég alla til þess að heimsækja Síldarminjasafnið og sjá þau með eigin augum.

 

 

 

 

18.10.2014 14:35

SI 152 í slippnum á Siglufirði

Daníel SI 152 í slippnum á Siglufirði . Hefur verið þar lengi og verður vonandi lengi til viðbótar. 

Daníel SI er líklegast einn mest myndaði hlutur á Siglufirði , því undantekningalaust sér maður ferðamenn með myndavélar á lofti á degi hverjum , mynda bátinn í bak og fyrir.

 

17.10.2014 14:00

Hamar SH 224

Línuskipið Hamar SH 224 frá Rifi kom inn til löndunar á Siglufirði í gærmorgun og landaði góðum afla . Er þetta fyrsta löndun Hamars , allavega á línu , hér á Siglufirði. Skipið var smíðað árið 1964 á Englandi og hét upphaflega Jörundur II .

 

Á vef MBL.is má lesa grein um breytingar sem gerðar voru á Hamri SH árið 2000 , með því að smella HÉR

 

16.10.2014 12:40

Kristrún RE 177

Hér er ein af Kristrúnu RE 177 frá því því um daginn þegar að hún kom inn til Siglufjarðar til löndunar, en Kristrún hefur nú landað þrisvar sinnum á Siglufirði á þessu kvótaári , rúmum 200 tonnum.

 

Glæsilegt skip .

15.10.2014 21:44

Akraberg ÓF 90

Nokkrir bátar sem gert hafa út frá Siglufirði , hafa nú fært sig austur og gera nú út frá Raufarhöfn. Akraberg ÓF er einn þeirra og hefur aflinn verið með ágætum . Samkvæmt vef Gísla Reynissonar , Aflafréttir.is , situr Akraberg í 5 sæti listans , Bátar að 13 BT í október , með 10,9 tonn en listinn var birtur í gær.

 

14.10.2014 22:00

Andrea EA

Þiðrik Unason er staddur fyrir sunnan þessa dagana og sendi hann mér þessa mynd af Andreu AK . Samkvæmt skipaskránni hjá Fiskifréttum , þá var Andrea smíðuð árið 1972 í Noregi. Ég veit ekki hvort að miða safnið Hauk nái yfir sögu svona báta en ef svo er , væri gaman að sjá miða frá honum.

Mynd : Þiðrik Unason

 

 

13.10.2014 12:45

Kleifaberg RE 70

Við leitum í dag í myndaalbúmið hjá Sigurjóni Veigari , vélstjóra á Gnúp GK , og fáum að sjá mynd af Kleifaberginu , eða eins og Sigurjón orðaði það , Milljarðaskútunni.

 

 

10.10.2014 09:15

Sturlaugur H Böðvarsson landar á Siglufirði

Sturlaugur H Böðvarsson kom til löndunar á Siglufirði á miðvikudaginn var og landaði um 100 tonnum , mest megnis þorski. Fór aflinn allur suður yfir heiðar til vinnslu hjá HB Granda í Reykjavík og Akranesi.

Sturlaugur H Böðvarsson er annað skipið frá HB Granda sem landað hefur á Siglufirði á skömmum tíma , því Ásbjörn RE landaði þar einnig eins og má sjá HÉR

 
 

Sturlaugur H Böðvarsson var smíðaður á Akranesi hjá Þorgeir & Ellert árið 1981.

09.10.2014 09:25

Svar við gátu : Vitinn á Súgandisey

Um leið og ég skellti link á myndina inn á Facebook , fóru hlutirnir að gerast og var það Vigfús Fannar Rúnarsson sem kom fyrstur með rétta svarið , en rétt svar var auðvitað vitinn á Súgandisey í Stykkishólmi  .

Á vefsíðunni Vesturland.is segir um vitann " Á Súgandisey við höfnina í Stykkishólmi er ljóshús sem upprunalega kemur frá Gróttuvita en var flutt þaðan og komið fyrir í Súgandisey árið 1948 "

 

Ég þakka þeim sem tóku þátt , bæði hér og á Facebook .

07.10.2014 21:01

Létt gáta : Þekkja menn vitann ?

Þar sem myndbirting dagsins klikkaði aðeins , þá skulum við skella upp gátu í staðinn og spyrjum hvort að menn og konur þekki vitann ?

 

Rétt svar kemur síðar í kvöld eða í fyrramálið .. 

 

Á Facebook síðunni Skoger Skipa-bátamyndir eru komnar tvær athugasemdir en hvorug er rétt

06.10.2014 13:30

Höfrungur III AK 250

Ég hef eflaust ekki birt mynd af þessum áður , Höfrungi III AK 250 , en Höfrungur III er þessa dagana í slipp á Akureyri.

Ég vef HB Granda mátti lesa þann 3 okt. sl " Frystitogarinn Höfrungur III AK kom til Akureyrar seint í gærkvöldi en þar fer skipið í slipp. Höfrungur III kom til hafnar í Reykjavík sl. mánudagsmorgun með afla sem svarar til um 9.500 kassa en tíu dögum áður fór fram millilöndun í Reykjavík og þá nam aflinn um 12.300 kössum. " 

Samkvæmt sömu frétt segir að " Það þarf að yfirfara allan búnað eins og gengur og eins á að sandblása botninn. Svona slipptaka tekur oftast um fjórar vikur  "

 

Höfrungur III AK var smíðaður árið 1988 í Noregi.

05.10.2014 20:15

Gimli ÞH 5

Hér má sjá Gimli ÞH 5 við bryggju á Húsavík . Gimli ÞH var smíðaður árið 1985 í Hafnarfirði.

 

 

04.10.2014 10:20

Nýr bátur í flota Siglfirðinga - Grétar BA 23

Í byrjun september sigldi inn fjörðinn nýjasti báturinn í flota Siglfirðinga , Grétar BA 23 . Eigandi hans er Arnþór Þórsson , vélstjóri á Mánaberginu.

Var báturinn tekinn á land um daginn og verður hann lagfærður og skveraður til í vetur .

Arnþór , eða Addi eins og hann er kallaður , heldur úti skemmtilegri síðu , Fishinghat.wordpress.com , en þar má sjá margar myndir af Grétari sem og lífinu um borð í Mánaberginu . Ég óska Adda til hamingju með bátinn og bíð spenntur eftir að fara einn prufu túr í vor með honum.

 

Grétar BA var smíðaður árið 1972.

Flettingar í dag: 479
Gestir í dag: 98
Flettingar í gær: 711
Gestir í gær: 99
Samtals flettingar: 2226089
Samtals gestir: 515002
Tölur uppfærðar: 19.9.2017 22:18:58

Nafn:

Guðmundur Gauti Sveinsson

Farsími:

868-9333

Afmælisdagur:

25.08.1983

Heimilisfang:

Hávegur 26

Staðsetning:

Siglufjörður

Tenglar